A garza voa sobre o ceo de Himeji mentres o Daimio, dende o alto do castelo, observa moverse aos seus servos. Os xardineiros atenden o estanque, onde viven as carpas koi, os guerreiros fan garda nas paredes e os cortesáns apiñan as portas, ansiando por unha audiencia que os achegue aos círculos máis íntimos da corte. Cando cae a noite, acéndense os farois e os traballadores volven ao seu clan.

En The White Castle, os xogadores controlarán a un destes clans co obxectivo de sumar máis puntos de vitoria que o resto. Para iso, deberán acumular influencia na corte, xestionar os recursos con audacia e colocar aos seus traballadores no lugar adecuado no momento oportuno. Os autores son Sheila Santos e Israel Cendrero, o dúo coñecido como Llama Dice que tamén deseñou o exitoso The Red Cathedral xunto a Devir. Neste caso, deixamos atrás o Moscova de Iván o Terrible para explorar a fortaleza máis impoñente do Xapón moderno, o Castelo de Himeji, onde ondea o estandarte do clan Sakai baixo as ordes do Daimio Sakai Tadakiyo.