Se tes cartas de investimento ao comezo e canda menos unha carta dese pao, xoga a carta de investimento e confía en coller máis cartas dese pao no futuro. Para facer puntos debes investir notablemente nunha expedición, sen saber por adiantado se sacarás as cartas axeitadas na orde correcta. É mellor ter algúns conxuntos con perdas (que tentarás minimizar) de modo que podas facer que outros conxuntos sexan moi beneficiosos.

Non hai necesidade de embarcarse nas 5 expedicións; normalmente 4 son suficientes (e seguramente unha delas vai a sumar poucos puntos ou incluso restar).

Coller do mazo é vital Obviamente, se hai una carta boa nos descartes, ou necesitas que a partida se alongue, colle unha carta descartada. Pero noutro caso, colle do mazo, porque hai moitas opcións de que sexa unha carta que necesitas, que che vale para descartar no futuro, ou que é vital para o teu rival.

Adoita ser máis produtivo conservar cartas dun conxunto que o teu rival está intentando completar, que intentar completalo ti!

Non teñas medo de perder unha cantidade pequena de puntos nun conxunto se che permite seguir funcionando e collendo do mazo. A espera activa (polas cartas que realmente necesitas) é a clave desde xogo.

Lembra que se deixas un oco nun conxunto, eso axuda ao teu rival: se xogas o 7 Azul despois do Azul 3, esto significa que o teu rival pode descartar tranquilamente o 4, 5 e 6 Azuis. Forzar ao teu rival a manter cartas que non quere na man durante moito tempo é importante.